Socrates ko guzre huwe 2415 saal ho gaye.
In ke shagird Aflatoon ko guzre huwe 2364 bars beet gaye.
Arastu Ko guzre huwe 2338 bars ho gaye.
Jab kh Hazoor saw ke zamane ko guzre abhi mahiz 1384 saal huwe hain.
Mager liberals ke haath ki safai to daikhain, yeh ap ko ja ba ja Suqrat, Aflatoon aur Arastoo ke quotes share karte nazar aain he, magar in ke qalam aur zaban se kabhi Quran ki kisi ayat ya Hazoor saw ke kisi farman ki reference ap ko nahi mile gi, balkh woh ulta haqarat se yeh kehte huwe paye jain ge kh yeh sab farsooda aur purane waqton ki batain hain, jin ka aaj ke dor main chalna mumkin nahi.
Halankh sach yeh he kh purane waqton ke falsafion se mansoob baton ki koi guaranty nahi kh aya woh sab batain unho ne kahi bhi thi kh nahi, jab kh Quran ki aik aik ayat aur Hazoor saw ke farameen o seerat mutehra, Kai kai rawiyon ke zarye is tarah mehfooz ho kar hum tak tawatar ke sath pohanche hain kh jese hum khud Hazoor saw aur Ap saw ke Ashab r.a ko apni aankhon se daikh rahe hain.
No comments:
Post a Comment